Biblia Etíope · Biblia Etíope en Ge'ez
Joel 3
ዘኢዩኤል፡ነቢይ።1ወእምድኅረ፡ዝንቱ፡እክዑ፡እምነ፡መንፈስየ፡ላዕለ፡ኵሉ፡ዘሥጋ፡ወይትኔበዩ፡ደቂቅክሙ፡ወአዋልዲክሙ፡ወሊቃውንቲክሙ፡ሕልመ፡የሐልሙ፡ወወራዙቲክሙኒ፡ራእየ፡ይሬእዩ።
2ወላዕለ፡አግብርትየ፡ወላዕለ፡ኣእማትየ፡ይእተ፡አሚረ፡እክዑ፡እምነ፡መንፈስየ።
3ወእገብር፡ተኣምረ፡በሰማይ፡በላዕሉ፡ወበምድርኒ፡በታሕቱ፡ደመ፡ወእሳተ፡ወተነ፡ጢስ።
4ፀሓይኒ፡ይጸልም፡ወወርኅኒ፡ደመ፡ይከውን፡ዘእንበለ፡ትብጻሕ፡ዕለተ፡እግዚአብሔር፡ዐባይ፡እንተ፡ታስተርኢ።
5ወኵሉ፡ዘጸውዐ፡ስመ፡እግዚአብሔር፡ይድኅን፡እስመ፡በውስተ፡ደብረ፡ጽዮን፡ወበኢየሩሳሌም፡ይድኅኑ፡በከመ፡ይቤ፡እግዚአብሔር፡ወእለ፡ይሜህሩ፡እግዚአብሔር፡ጸውዖሙ።