Sinaxario · Ginbot
23 de Ginbot
አመ፡፳ወ፫፡ለግንቦት1በስመ፡አብ፡ወወልድ፡ወመንፈስ፡ቅዱስ፡፩፡አምላክ፡አመ፡፳ወ፫፡ለግንቦት፡በዛቲ፡ዕለ፡አዕረፈ፡ቅዱስ፡ዮልዮስ።
2ለዝንቱ፡ቅዱስ፡ኮነ፡ልደቱ፡እምቤ፡ገብርኤል፡እምደቂቀ፡እስራኤል፡እምነገ፡ይሁዳ፡ኀረዮ፡እግዚእነ፡ዘሎቱ፡ስብሐት፡ወውእቱ፡እምኍልቆሙ፡ለ፸ወ፪፡አርድእ። ወተወክፈ፡ጸጋ፡መንፈስ፡ቅዱስ፡ጰራቅሊጦ፡ምስለ፡ሐዋርያት፡ወሰበከ፡ምስሌሆሙ፡ወ፡ጽሖ፡ምንዳቤ፡ዐቢይ።
3ወእምድኅረዝ፡አንበሩ፡እደዊሆሙ፡ላዕሌሁ፡ሐዋርያት፡ወሤምዎ፡ኤጲስቆጶሰ፡ወፈነውዎ፡ይስብክ፡ወሰበከ፡ውስተ፡አህጉር፡ብዙኅ።
4ወእምድኅረዝ፡ሰበከ፡ምስለ፡እንድራኒቆስ፡ሐዋርያ፡በከመ፡ይዜከር፡ትማልም፡ወሶበ፡አዕረፈ፡እንድራኒቆስ፡ገነዞ፡ዮልዮስ፡ወቀበሮ፡ወጸለየ፡ኀበ፡እግዚአብሔር፡ከመ፡ኢይፍልጦ፡እምኔሁ፡ወበሣኒታ፡አዕረፈ፡ዝንቱ፡ቅዱስ፡ዮልዮስ።
5ወናሁ፡ዘከሮሙ፡ጳውሎስ፡ሐዋርያ፡በመልእክቱ፡ዘሮሜ፡በተፍጻሜቱ፡እንዘ፡ይብል፡አምኁ፡እንድራኒቆስሃ፡ወዮልዮስ፡በረከቶሙ፡ትኩን፡ምስሌነ፡ለዓለመ፡ዓለም፡አሜን።
ሰላም፡ለዮልዮስ፡እምቤተ፡ገብርኤል፡ልደቱ፤ዘተወክፈ፡ጸጋ፡እመንፈስ፡ቅዱስ፡ጊዜ፡ርደቱ፤ለእንድራኒቆስ፡ረድእ፡ሳኒታ፡ዕረፍቱ፤እግዚአብሔር፡አግዓዞ፡እምቅኔ፡ዓለም፡ዝንቱ፤በከመ፡ሰአለ፡ኢይፍልጦ፡ሎቱ።
6ወበዛቲ፡ዕለት፡ኮነ፡ተዝካሮሙ፡ለአባ፡አንስያ፡ሰማዕት፡ወአፍሮዲጡ፡፩፡እም፸ወ፪፡አርድእት፡ወዮልያ፡ሰማዕት፡ታድሮስ፡ጳጳስ፡ወቅዱስ፡ዮልያኖስ፡ወእሙ፡ወሰማዕታት፡ዘሀገረ፡እስክንድርያ።
7ወተዝካሮሙ፡ለሰማዕታት፡ማኅበራነ፡ኤስድሮስ፡ወብእሲቱ፡ምስለ፡ወልዳ፡ዘ፪ቱ፡አውራኅ፡ዘተናገረ፡እንዘ፡ይብል፡ክርስቲያናዊ፡አነ፡ምስለ፡እምየ፡ወቀተሎሙ፡ዲዮቅልጥያኖስ። በረከቶሙ፡ትኩን፡ምስሌነ፡ለዓለመ፡ዓለም፡አሜን።
ሰላም፡ለክሙ፡ዮልያኖስ፡ወእሙ፤ዘተኰነንክሙ፡ለእግዚአብሔር፡በእንተ፡ስሙ፤ከመ፡ትንሥኡ፡አክሊለ፡ዘአስተዳለወ፡ለክሙ፤ሶበ፡ይነቅሑ፡እለ፡በክርስቶስ፡ኖሙ፤ነሢአ፡ዓሥራት፡ለፃማክሙ፡ኪያየ፡ቅድሙ።
ዘአቅረብኩ፡ማኅሌተ፡ዘአቅረብኩ፡ማኅሌተ፡አዘኪርየ፡አእላፈ፤ እምእለ፡ተጸምዱከ፡ዘልፈ፤ ለለአነብብ፡ተወከፍ፡ዘንዴትየ፡መጽሐፈ፤ እንተ፡ረሰይከ፡እግዚኦ፡ጸሪቀ፡መበለት፡ውኩፈ፤ እምእለ፡ኣብኡ፡ብዑላን፡ዘተርፈ። ነቢያት፡ቅዱሳን፡ወሐዋርያት፡ሰባክያን፤ ሰማዕት፡ወጻድቃን፤ ደናግል፡ዓዲ፡ወመነኮሳት፡ኄራን፤ ባርኮ፡ባርኩ፡ጉባኤ፡ዛቲ፡መካን፤ እስከ፡አረጋዊ፡ልኂቅ፡ወእምንኡስ፡ሕፃን። ለዘጸሐፎ፡በክርታስ፤ ወለዘአጽሐፎ፡ለዘአንበቦ፡ወለዘተርጐሞ፡በልሳን፡ሐዲስ፤ ወለዘሰምዐ፡ቃሎ፡በዕዝነ፡መንፈስ፤ በጸሎተ፡እሙ፡ማርያም፡ዓራቂተ፡ኵሉ፡እምባእስ፤ ኅቡረ፡ይምሐረነ፡ኢየሱስ፡ክርስቶስ። አቡነ፡ዘበሰማያት፡በል።
ሰላም፡ለክሙ፡ጻድቃን፡ወሰማዕት፡እለ፡አዕረፍክሙ፡በዛቲ፡ዕለት፤ መዋዕያነ፡ዓለም፡አንትሙ፡በብዙኅ፡ትዕግሥት፤ ሰአሉ፡ቅድመ፡ፈጣሪ፡በኵሉ፡ሰዓት፤ እንበለ፡ንስሐ፡ኪያነ፡ኢይንሣእ፡ሞት።
ሰላም፡ለክሙ፡ጻድቃነ፡ዛቲ፡ዕለት፡ኵልክሙ፤ እድ፡ወአንስት፡በበአስማቲክሙ፤ ቅዱሳነ፡ሰማይ፡ወምድር፡ማኅበረ፡ሥላሴ፡አንትሙ፤ ትዝክሩነ፡በጸሎትክሙ፡በእንተ፡ማርያም፡እሙ፤ ተማኅፀነ፡ለክርስቶስ፡በሥጋሁ፡ወደሙ። እግዚኦ፡መዘክር፡ለለኵሉ፡ዕለት፡በተፍጻሜተ፡ምንባብ፡ዘአቅረብኩ፡ማኅሌተ፡በል።