Malaquías 4

4

1 ወናሁ፡ይመጽእ፡መዋዕለ፡እግዚአብሔር፡እንዘ፡ይነድዳ፡ከመ፡እሳት፡ወያውዕያሆሙ፡ወይከውኑ፡ባዕዳነ፡አሕዛበ፡ወኵሎሙ፡ገበርተ፡ዐመፃ፡ከመ፡ሐሠር፡ወታውዕዮሙ፡ዕለት፡እንተ፡ትመጽእ፡ይቤ፡እግዚአብሔር፡ ዘኵሎ፡ይመልክ፡ወኢይተርፍ፡ሥርዎሙ፡ ወኢዐጽቆሙ።

2 ወይሠርቅ፡ለክሙ፡ለእለ፡ትፈርሁ፡ስምየ፡ፀሓየ፡ጽድቅ፡ወሕይወት፡ውስተ፡ክነፊሁ፡ወትወፅኡ፡ወታንፈርዕጹ፡ከመ፡ጣዕዋ፡ዘተፈትሐ፡እማእሰሩ።

3 ወትከይድዎሙ፡ለኃጥኣን፡ወይከውኑ፡ሐመደ፡በታሕተ፡እገሪክሙ፡በዕለት፡እንተ፡እገብር፡አነ፡ይቤ፡እግዚአብሔር፡ዘኵሎ፡ይመልክ።

4 ወናሁ፡አነ፡እፌንዎ፡ለክሙ፡ኤልያስሃ፡ተስብያዋ፡ዘእንበለ፡ትምጻእ፡ዕለተ፡እግዚአብሔር፡ዐባይ፡እንተ፡ታስተርኢ።

5 ወይመይጥ፡ልበ፡አብ፡ኀበ፡ውሉድ፡ወልበ፡ብእሲ፡ኀበ፡ቢጹ፡አመ፡መጻእኩ፡ወቀሠፍክዋ፡ለምድር።

6 ተዘከሩ፡ሕገ፡ሞሴ፡ገብርየ፡ዘእዘዝክዎ፡በኮሬብ፡ሥርዐተ፡ወኵነኔ፡ለኵሉ፡እስራኤል። ። ።