Biblia Etíope · Biblia Etíope en Ge'ez
Salmos 84
መዝሙራት፡ዘዳዊት።1ፍጻሜ፡ዘደቂቀ፡ቆሬ፡መዝሙር፡ጸሎት፡ዘዳዊት።
2ተሣሀልከ፡እግዚኦ፡ምድረከ፤ ወሜጥከ፡ፄዋሁ፡ለያዕቆብ።
3ወኀደገ፡ኃጢአቶሙ፡ለሕዝብከ፤ ወከደንከ፡ኵሎ፡አበሳሆሙ።
4ወኀደገ፡ኵሎ፡መዐትከ። ወሜጥከ፡መቅሠፍተ፡መዐተከ።
5ሚጠነ፡አምላክነ፡ወመድኀኒነ፤ ወሚጥ፡መዐተከ፡እምኔነ።
6ወለዓለምሰ፡ኢትትመዐዐነ። ወኢታኑኅ፡መዐተከ፡ላዕለ፡ትውልደ፡ትውልድ።
7አንተ፡አምላክነ፡ተመየጠነ፡ወኣሕይወነ፤ ወሕዝብከኒ፡ይትፌሥሑ፡ብከ።
8አርእየነ፡እግዚኦ፡ሣህለከ፤ ወሀበነ፡አምላክነ፡አድኅኖተከ።
9ኣፀምእ፡ዘይነበኒ፡እግዚአብሔር፡አምላኪየ፤ እስመ፡ይነብብ፡ሰላመ፡ላዕለ፡ሕዝቡ፡ላዕለ፡ጻድቃኑ፡ወላዕለ፡እለ፡ይመይጡ፡ልቦሙ፡ኀቤሁ።
10ወባሕቱ፡ቅሩብ፡አድኅኖቱ፡ለእለ፡ይፈርህዎ፤ ከመ፡ይኅድር፡ስብሐቲሁ፡ውስተ፡ምድርነ።
11ሣህል፡ወርትዕ፡ተራከባ፤ ጽድቅ፡ወሰላም፡ተሳዐማ።
12ርትዕሰ፡እምድር፡ሠረጸት፤ ወጽድቅኒ፡እምሰማይ፡ሐወጸ።
13ወእግዚአብሔርኒ፡ይሁብ፡ምሕረቶ፤ ወምድርኒ፡ትሁብ፡ፍሬሃ።
14ጽድቅ፡የሐውር፡ቅድሜሁ፤ ወየኀድግ፡ውስተ፡ፍኖት፡አሰሮ።