Biblia Etíope · Biblia Etíope en Ge'ez

Salmos 23

መዝሙራት፡ዘዳዊት።

1መዝሙር፡ዘዳዊት፡ዘቀዳሚተ ሰንበት። ለእግዚአብሔር፡ምድር፡በምልኣ፤ ወዓለምኒ፡ወኵሎሙ፡እለ፡ይነብሩ፡ውስቴታ።

2ወውእቱ፡በባሕር፡ሳረራ፤ ወበአፍላግኒ፡ውእቱ፡አጽንዓ።

3መኑ፡የዐርግ፡ውስተ፡ደብረ፡እግዚአብሔር፤ ወመኑ፡ይቀውም፡ውስተ፡መካነ፡መቅደሱ።

4ዘንጹሕ፡ልቡ፡ወንጹሕ፡እደዊሁ። ወዘኢነሥአ፡ከንቶ፡ላዕለ፡ነፍሱ፤ ወዘኢመሐለ፡በጕሕሉት፡ለቢጹ።

5ውእቱ፡ይነሥእ፡በረከተ፡እምኀበ፡እግዚአብሔር፤ ወሣህሉኒ፡እምኀበ፡እግዚአብሔር፡አምላኩ።

6ዛቲ፡ትውልድ፡ተኀሦ፡ሎቱ፤ ወተኀሥሥ፡ገጾ፡ለአምላከ፡ያዕቆብ።

7አርኅው፡ኆኃተ፡መኳንንት፡ወይትረኀዋ፡ኆኃት፡እለ፡እምፍጥረት፤ ወይባእ፡ንጉሠ፡ስብሐት።

8መኑ፡ውእቱ፡ዝንቱ፡ንጉሠ፡ስብሐት። እግዚአብሔር፡ኀያል፡ወጽኑዕ፤ እግዚአብሔር፡ኀያል፡በውስተ፡ፀብእ።

9አርኅው፡ኆኃተ፡መኳንንት፡ወይትረኀዋ፡ኆኃት፡እለ፡እምፍጥረት፤ ወይባእ፡ንጉሠ፡ስብሐት።

10መኑ፡ውእቱ፡ዝንቱ፡ንጉሠ፡ስብሐት፤ እግዚአብሔር፡አምላከ፡ኀያላን፡ውእቱ፡ዝንቱ፡ንጉሠ፡ስብሐት።