፸፩፡በእንተ፡ማርያም፡ወለተ፡ዳዊት።
ወበእንተዝኬ፡ተዐውቀ፡ከመ፡ማርያም፡ወለተ፡ዳዊት፡ይእቲ፡ወዮሴፍኒ፡ወልደ፡ዳዊት፡ውእቱ ፤ወበእንተዝ፡ተፍኅረት፡ማርያም፡ለዮሴፍ፡ዘመዳ፡በከመ፡ተብህለ፡በወንጌል፡ኦዮሴፍ፡ወልደ፡ዳዊት፡ኢትፍራህ፡ነሢኦታ፡ለምርያም፡ፍኅርትከ፡እስመ፡ዘይትወለድ፡እምኔሃ፡እመንፈስ፡ቅዱስ፡ቃለ፡እግዚአብሔር፡ውእቱ፤ወተወልደ፡እምኔሃ፡እግዚአብሔር፡ቃል፡ብርሃን፡ዘእምብርሃን፡አምላክ፡ዘእምአምላክ፡ወልድ፡እምአብ፡ዘመጽአ፡ወአድኀነ፡ፍጥረቶ፤እምእደ፡ሲኦል፡ወእምሰይጣን፡ወእሞት፡ባልሐነ፡ለኵልነ፡እለ፡አመነ፡ቦቱ፡ሰሐበነ፡ኀበ፡አቡሁ፡ወአዕረገነ፡ውስተ፡ሰማያት፡መንበሩ፡ከመ፡ንኩን፡መዋርስቲሁ፤እስመ፡ውእቱ፡መፍቀሬ፡ሰብእ፡ውእቱ፡ወሎቱ፡ይደሉ፡ስብሐት፡እስከ፡ለዓለም፡አሜን፨ ፨ ፨