Otros Libros Sagrados · Biblia Etíope en Ge'ez
Kebre Negest 7
ክብረ፡ነገሥት፯፡በእንተ፡ኖኅ።ወኖኅሰ፡ጻድቅ፡ይፈርሆ፡ለእግዚአብሔር፡ወየዐቅብ፡ጽድቀ፡ወዘነገርዎ፡አበዊሁ፡ሕገ፡እምአዳም ፡ዓሥር፡ትውልድ፡ለሊሁ፡ኖኅ፡እንዘ፡ይዜከር፡ወይገብር፡ሠናየ፡ወየዐቅብ፡ሥጋሁ፡እምዝሙት ፡ወይጌሥጽ፡ደቂቆ፡ከመ፡ኢይደመሩ፡ምስለ፡ደቂቀ፡ቃየን፡መማዕሊይ፡ዕቡይ፡ናፋቄ፡መንግሥት፤እስመ፡በምክረ፡ዲያብሎስ፡ዘአሥረጻ፡ለእከይ፡ሖረ፡ወመሀሮሙ፡ኵሎ፡ዘጸልኦ፡እግዚኣብሔር፤ትዕቢተ፡ትዝኅርተ፡ትዝውፍተ፡ሐሜተ፡ውዴተ፡ወማሕላ፡በሐሰት፤ ወፈድፋደሰ፡በእከየ፡ዝሙቶሙ፡ዘእንበለ፡ሕግ፡ወሥርዐት፡ብእሲ፡ላዕለ፡ብእሲ፡ያረኵስ፡ቢጾ፡ወአንስት፡ላዕለ፡አንስት፡ይገብራ፡ኀሳረ፨ ፨ ፨