Biblia Etíope · Biblia Etíope en Ge'ez
Enoc 88
መጽሐፈ፡ሄኖክ።ወርኢኩ፡፩እምእኩ፡፬እለ፡ወጽኡ፡እምቀዳሚ፡ወአኀዞ፡ለዝኩ፡ኮከብ፡ቀዳማዊ፡ዘወድቀ፡እምሰማይ፡ወአሠሮ፡እደዊሁ፡ወእገሪሁ፡ወወደዮ፡ውስተ፡ማዕምቅ፡ወዝኩ፡ማዕምቅ፡ጸቢብ፡ወዕሙቅ፡ወዕፅብ፡ወጽልመት።ወ፩እምእሉ፡መልሐ፡ሰይፎ፡ወወሀቦሙ፡ለእኩ፡ነጌያት፡ወአግማል፡ወአዕዱግ፡ወአኀዘ፡እንዘ፡ይጐድኦ፡፩ለካልኡ፡ወኵላ፡ምድር፡አድለቅለቀት፡ዲቤሆሙ።ወሶበ፡ርኢኩ፡በራእይ፡ወነዋ፡እንከ፡፩እምእልክቱ፡፬እለ፡ወጽኡ፡ወገረ፡እምሰማይ፡ወአስተጋብአ፡ወነሥአ፡ኵሎ፡ከዋክብተ፡ዐቢያነ፡እለ፡ኀፍረቶሙ፡ከመ፡ኀፍረተ፡አፍራስ፡ወአሠሮሙ፡ለኵሎሙ፡በእደዊሆሙ፡ወበእገሪሆሙ፡ወወደዮሙ፡በንቅዐተ፡ምድር