Biblia Etíope · Biblia Etíope en Ge'ez
Enoc 50
መጽሐፈ፡ሄኖክ።ወበእማንቱ፡መዋዕል፡ሚጠት፡ትከውን፡ለቅዱሳን፡ወለኅሩያን፡ወብርሃነ፡መዋዕ፡ዲቤሆሙ፡የኀድር፡ወስብሐት፡ወክብር፡ለቅዱሳን፡ይትመየጥ።ወበዕለት፡እንተ፡ጻሕብ፡ትዘገብ፡እኪት፡ላዕለ፡ኃጥኣን፡ወይመውኡ፡ጻድቃን፡በስሙ፡ለእግዚአ፡መናፍስት፡ወያርኢ፡ለካልኣን፡ከመ፡ይነስሑ፡ወይኅድጉ፡ምግባረ፡እደዊሆሙ።ወኢይከውን፡ሎሙ፡ክብር፡በቅድመ፡እግዚአ፡መናፍስት፡ወበስሙ፡ይድኅኑ፡ወእግዚአ፡መናፍስት፡ይምሕሮሙ፡እስመ፡ብዙኅ፡ምሕረቱ።ወጻድቅ፡ውእቱ፡በኵነኔሁ፡ወበቅድመ፡ስብሐቲሁ፡ወዐመፃ፡እትቀውም፡በኵነኔሁ፡ዘኢይኔስሕ፡በቅድሜሁ፡ይትሐጐል።ወእምይእዜሰ፡ኢይምሕሮሙ፡ይቤ፡እግዚአ፡መናፍስት።