Biblia Etíope · Biblia Etíope en Ge'ez
Colosenses 3
ኀበ፡ሰብአ፡ቈላስይስ።1ወእመሰ፡ተንሣእክሙ፡ምስለ፡ክርስቶስ፡ዘላዕሉ፡ኅሡ፡ኀበ፡ሀሎ፡ክርስቶስ፡በየማነ፡እግዚአብሔር፡ይነብር።
2ዘላዕሉ፡ሐልዩ፡ወአኮ፡ዘበምድር።
3እስመ፡ወዳእክሙ፡ሞትክሙ፡ወኅብእት፡ሕይወትክሙ፡ምስለ፡ክርስቶስ፡በኀበ፡እግዚአብሔር።
4ወአመ፡ይመጽእ፡ክርስቶስ፡ይትዐወቅ፡ሕይወትክሙ፡ይእተ፡አሚረ፡ታስተርእዩ፡ምስሌሁ፡በስብሓት።
5አሙትዎ፡ለነፍስትክሙ፡ዘዲበ፡ምድር፡እምዝሙት፡ወርኵስ፡ወመንሱት፡ወፍትወት፡እኪት፡ወትዕግልት፡ዘውእቱ፡አምልኮ፡ጣዖት።
6ዘበእንቲአሁ፡ይመጽእ፡መቅሠፍተ፡እግዚአብሔር፡ላዕለ፡ውሉደ፡ዐላውያን።
7ዘቦቱ፡ሖርክሙ፡አንትሙሂ፡ትካት፡አመ፡ሐየውክሙ፡በዝንቱ፡ግብር።
8ወይእዜሰ፡ኅድግዋ፡ለመዓት፡ወለቍጥዓ፡ወለእከይ፡ወለፅርፈት፡ወነገረ፡ኀፍረት።ኢይፃእ፡እምአፉክሙ።
9ወኢተሐስዉ፡ቢጸክሙ፡ዳእሙ፡ኅድግዎ፡ለብሉይ፡ብእሲ፡ምስለ፡ምግባሩ።
10ዘአልቦ፡በኀቤሁ፡አይሁዳዊ፡ወኢአረማዊ፡ኢግዙር፡ወኢቈላፍ፡ሐቃል፡ወሀገሪት፡ኢነባሪ፡ወአግዓዚ፡ዘእንበለ፡በኵሉ፡ወኀበ፡ኵሉ፡ክርስቶስ።
11ዘአልቦ፡በኀቤሁ፡አይሁዳዊ፡ወኢአረማዊ፡ኢግዙር፡ወኢቈላፍ፡ሐቃል፡ወሀገሪት፡ኢነባሪ፡ወአግዓዚ፡ዘእንበለ፡በኵሉ፡ወኀበ፡ኵሉ፡ክርስቶስ።
12ልበስዎ፡እንከ፡ከመ፡ኅሩያነ፡እግዚአብሔር፡ቅዱሳን፡ወፍቁራን፡በምሕረት፡ወበሣህል፡ወበኂሩት፡ወትሑት፡ልብ፡በየውሀት፡ወበትዕግሥት።
13ጹርዎሙ፡ለቢጽክሙ፡ወተጻገዉ፡በበይናቲክሙ።ኅድጉ፡ለቢጽክሙ፡ዘተሓየስክምዎሙ፡ከመ፡ክርስቶስ፡ጸገወክሙ፡ከማሁ፡አንትሙሂ፡ግበሩ።
14ወምስለ፡ዝንቱ፡ኵሉ፡ተፋቀሩ፡እስመ፡ማእሠረ፡ተፍጻሜቱ፡ውእቱ።
15ወሰላሙ፡ለክርስቶስ፡ይጽናዕ፡በልብክሙ፡ዘሎቱ፡ተጸዋዕክሙ፡በአሐዱ፡ሥጋ።
16ወሀልዉ፡በአኰቴተ፡ክርስቶስ።
17ወአንብቡ፡መዝሙረ፡ወስብሐተ፡ወማኅሌተ፡ቅድሳት፡ወቃለ፡እግዚአብሔር፡ይጽናዕ፡ኀቤክሙ።ትብዐሉ፡ በኵሉ፡ጥበብ።ወመሀሩ፡ነፍሰክሙ፡ወገሥጹ፡በመንፈስ፡ዘምሩ፡ለእግዚአብሔ፡በልብክሙ።በእንተ፡ሠሪዐ፡ቤት
18ወኵሎ፡ዘገበርክሙ፡በስመ፡እግዚእነ፡ኢየሱስ፡ክርስቶስ፡አእኵትዎ፡ለእግዚአብሔር፡አብ፡በእንቲአሁ።
19ወአንስትኒ፡ተአዘዛ፡ለአምታቲክን፡ከመ፡ዘለእግዚአብሔር።
20ዕድውኒ፡አፍቅሩ፡አንስቲያክሙ፡ወኢትግእዝዎን።
21ውሉድኒ፡ተአዘዙ፡ለአዝማዲክሙ፡በኵሉ፡እስመ፡ከማሁ፡ርቱዕ፡ወይሠምር፡እግዚአብሔር።
22አበውኒ፡ኢታስተቍጥዑ፡ውሉደክሙ፡ከመ፡ኢይሕዝኑ።
23ነባሪኒ፡ተአዘዙ፡ለአጋእዝቲክሙ፡በስፉሕ፡ልብ፡ወአኮ፡በአድልዎ፡ለገጸ፡ሰብእ፡አላ፡በፍርሃተ፡እግዚአብሔር።
24ታአምሩ፡ከመ፡እምኀበ፡እግዚአብሔር፡ትትዐሰዩ፡እስመ፡ለክርስቶስ፡ትትቀነዩ።
25ወዘሰ፡ዐመፀ፡ይረክብ፡ፍዳሁ።ወኢያደሉ፡ሎቱ።