Blog

1 1 ጳውሎስ፡ሐዋርያሁ፡ለኢየሱስ፡ክርስቶስ፡በትእዛዘ፡እግዚአብሔር፡መድኀኒነ፡ወኢየሱስ፡ክርስቶስ፡ተስፋነ። 2 ለጢሞቴዎስ፡ወልድየ፡ዘአፈቅር፡በሃይማኖት።ሰላም፡ለከ፡ወሣህል፡ወጸጋሁ፡ለእግዚአብሔር፡አቡነ፡ወእግዚእነ፡ኢየሱስ፡ክርስቶስ። 3 በከመ፡አሰተብቋዕኩከ፡ትንበር፡ኤፌሶን፡አመ፡አሐውር፡መቄዶንያ፡ከመ፡ትገሥጾሙ፡ከመ፡ኢያምጽኡ፡ካልአ፡ትምህርተ። 4 ወኢያምጽኡ፡መኃድምተ፡ወዘውዐ፡ነገር፡ዘይፈጥሩ፡በዘያስሕቱ፡ወያመጽኡ፡ተኃሥሦ፡ወየኀድጉ፡ሕገ፡እግዚአብሔር፡ዘበሃይማኖት። 5 ወማኅለቅቱሰ፡ለትእዛዝ፡ተፋቅሮ፡በንጹሕ፡ልብ፡ወበሠናይ፡ግዕዝ፡ወሃይማኖት፡ዘአልቦ፡ኑፋ፡ 6 እስመቦ፡እለ፡አውከኩ፡ወገብኡ፡ውስተ፡ነገረ፡ከንቱ። 7 ወእንዘ፡ይፈቅዱ፡መምህራነ፡ይኩኑ፡ኢያአምሩ፡ዘለሊሆሙ፡ይነቡ። በእንተ፡ሕግ 8 ናአምር፡ከመ፡ሠናይ፡ውእቱ፡ኦሪት፡ለዘይገብሮ፡በሕጉ። 9 ወናአምር፡ዘኒ፡ከመ፡አኮ፡ለጻድቃን፡ዘይሠራዕ፡ዘእንበለ፡ለኃጥኣን፡ወጽልሕዋን፡ወለዝሉፋን፡ወለውፁኣን፡እምጽድቅ፡ወለርኩሳነ፡ልብ።ወቀተልተ፡አበዊሆሙ፡ወእሞሙ፡ወቀተልተ፡ነፍስ። …

1 ወኮነ፡ቃለ፡እግዚአብሔር፡ኀበ፡ዮናስ፡ወልደ፡አማቴ፡ወይቤሎ፡እግዚአብሔር፡ለዮናስ። 2 ተንሥእ፡ወሖር፡ነኔዌ፡ሀገረ፡ዐባየ፡ወስብክ፡ሎሙ፤እስመ፡ዐርገ፡ገዐረ፡እከዮሙ፡ኀቤየ። 3 ወሖረ፡ዮናስ፡ወተኀጥአ፡ብሔረ፡ተርሴስ፡እምገጸ፡እግዚአብሔር፤ ወወረደ፡ሀገረ፡ኢዮጴ፡ወረከበ፡ሐመረ፡ዘይነግድ፡ብሔረ፡ተርሴስ፤ ወተዐሰበ፡ወዐርገ፡ውስቴቱ፡ይንግድ፡ምስሌሆሙ፡ተርሴስ፡እምገጸ፡እግዚአብሔር። 4 ወአምጽአ፡እግዚአብሔር፡ነፋሰ፡ዐቢየ፡ውስተ፡ባሕር፡ወዐቢየ፡ማዕበለ፡ባሕር፤ወተመንደበ፡ሐመሮሙ፡ከመ፡ይሰበር። 5 ወፈርሁ፡ኖትያት፡ወአውየዉ፡ኵሎሙ፡ኀበ፡አማልክቲሆሙ፤ ወአስተዋፅኡ፡ወገደፉ፡ውስተ፡ባሕር፡ ንዋዮሙ፡ከመ፡ያቅልሉ፡ሐመሮሙ፤ወወረደ፡ዮናስ፡ውስተ፡ከርሠ፡ሐመር፡ወኖመ፡ወንኀረ። 6 ወወረደ፡ኀቤሁ፡ዘሐደፍፈ፡ወይቤሎ፤ምንት፡ያነውመከ፤ተንሥእ፡ወጸውዕ፡አምላከከ፡ከመ፡ያድኅነነ፡እግዚአብሔር፡ወኢንሙት። 7 ወተባሀሉ፡በበይናቲሆሙ፡ንዑ፡ንትዓፀው፡ወናአምር፡በበይነ፡መኑ፡ረከበተነ፡ዛቲ፡እኪት፤ወተዓፀዉ፡ወወረደ፡ዕፅ፡ላዕለ፡ዮናስ። 8 ወይቤልዎ፤ንግረነ፡በበይነ፡መኑ፡ረከበተነ፡ዛቲ፡እኪት፤ምንት፡ተግባርከ፡ወእምአይቴ፡መጻእከ፡ወአይቴ፡ተሐውር፡ወአይቴ፡ብሔርከ፡ወምንት፡ሕዝብከ። …

Te damos la bienvenida a WordPress. Esta es tu primera entrada. Edítala o bórrala, ¡luego empieza a escribir!